Jákvæðari orka fyrir heimilið

Við munum ávallt leggja okkur fram við að bjóða hagstætt raforkuverð og jákvæðustu orkuna!

Já, Atlantsorka selur rafmagn til heimila og fyrirtækja um land allt.

Það er ekkert mál að koma yfir, þú smellir einfaldlega á „Koma í viðskipti“ hér á vefnum, skráir þig inn með rafrænum skilríkjum og klárar umsóknina. Við tökum svo við keflinu og klárum málið fyrir þig. Þú þarft ekki að segja upp viðskiptum hjá fyrri raforkusala, þarft engan aukabúnað og engin truflun verður á rafmagnsnotkuninni við skiptin.

Fyrirtæki og félög af öllum stærðum og gerðum eru velkomin í viðskipti, sendið okkur endilega upplýsingar um nafn, kennitölu og heimilisfang félagsins á atlantsorka@atlantsorka.is og við heyrum í ykkur.

Umsóknin sjálf tekur enga stund en uppsagnarfrestur hjá fyrri raforkusala er 3 vikur. Ef þú kemur yfir til Atlantsorku í fyrstu viku mánaðar hefjast viðskipti við næstu mánaðarmót. Ef þú kemur yfir eftir það (eða þegar það eru innan við 3 vikur í næstu mánaðarmót) hefjast viðskipti hjá Atlantsorku við þarnæstu mánaðarmót.

Dæmi: Ef þú skiptir yfir til Atlantsorku 5. ágúst hefjast viðskipti 1. september og þú færð fyrsta reikning í október. Ef þú skiptir yfir 15. ágúst hefjast þau 1. október og þú færð fyrsta reikning í nóvember.

Ef þú ert að flytja og vilt að annar taki við mæli fyrra húsnæðis þarftu að skila inn flutningstilkynningu til þinnar dreifiveitu og skrá nýtt heimilisfang hjá okkur áður en flutningur á sér stað.

Rafmagnsnotkun er mæld í kílóvattstundum (kWst) og þú færð tvo reikninga, annan frá Atlantsorku vegna sölu rafmagns og hinn frá dreifiveitu vegna dreifikostnaðar rafmagns. Á Íslandi eru fimm dreifiveitur: Veitur, Rarik, HS Veitur, Orkubú Vestfjarða og Norðurorka. Það fer eftir búsetu hvaða dreifiveita þjónustar þig, en þú ræður við hvaða söluaðila þú verslar. Almenn raforkusala er með 24% virðisaukaskatti sem er innifalinn í listaverði, en ef um rafhitun í húsi er að ræða er það með 11% virðisaukaskatti.

Reikningar vegna liðins mánaðar eru gefnir út um miðjan mánuð, gjalddagi er í lok mánaðar og eindagi í byrjun þess næsta. Dæmi: Reikningur vegna notkunar í júlí kemur í heimabankann um miðjan ágúst, gjalddagi er 25. ágúst og eindagi 2. september. Dráttarvextir reiknast eftir eindaga og þjónustugjald er 98 kr.
Einnig er hægt að óska eftir boðgreiðslum á kreditkort, það inniheldur ekkert þjónustugjald.
Reikningar eru alltaf aðgengilegir á Mínum síðum hér á www.atlantsorka.is